Inji Dang Sampai Dilupako

Kuliner khas Lampung,, nayah sai khadu di pandai ulun khamik khik khadu lamon muneh jengan ngedapok ko kanik an khas Lampung ji.
Kuliner khas Lampung,, nayah sai khadu di pandai ulun khamik khik khadu lamon muneh jengan ngedapok ko kanik an khas Lampung ji.

 

Gegoh seruit,tempoyak,keripik punti khik nayah munih sai bakhih ni. Kidang kanca sunyini pandai mawat, nayah kanikan khas Lampung sai menarik kidang lamun ulun mak pandai. Malahan kanikan sina khadu mulai dilupa ko uleh masyarakat Lampung kham ji. Di acara Lampung Fair goh semestini jadi ajang promosi budaya Lampung kanik an sinji mawat kham puhalu lagi. Sai lebih di acara sina kanik an sejenis kerak telor makanan khas jakarta mudah kham ngedaok kenni. Kik acara sina Pekan Raya Jakarta (PRJ) mwt ulun heran lagi.

Kanikan khas Lampung sai khadu mulai tilupa ko injuk gulai taboh (sayur santan) gulai hinji biasa isi ni khattak atau kacang-kacangan. Contoh ni kacang gelinyor,kacang suluh,khattat tuwoh khik kentang. Gulai taboh ji tambah bangik ni kik di tambah bulung kemangi.

Dang watekh bagi sai mawat demon gulai taboh,wat bakhih ni makanan khas Lampung sai perlu ticuba ko. Gelakhni gabing,kanikan sinji anjak batang kelapa sai ngukha takuk jak bagian atas batang kelapa. Batang kelapa ni ti pelok-pelok ukuran sedong. Terus ti gulai pakai kuah pati ni kelapa (kuah santan). Unik kan kanik an sai dihasilko jak batang kelapa ji ? pas ti kanik pasti ngekhasa ko mis khik taboh.

Kik gabing anjak batang kelapa sai ngukha,lain lagi kanikan khas Lampung sai gelakhni umbu. Kanik an tisani jak rotan ngukha. Lalapan asli Lampung sinji bentuk ni bulung hujau. Khasa ni pahek(pahit) gegoh pakhia (pare). Kidang justru dapok nambah nafsu mengan. Bagi sai nafsu mengan ni bekukhang,kanik an khas Lampung sai hinji pekhlu ti coba.

Selimpok,kanik an hinji juga termasuk khas Lampung. Kanik an hinji bahan ni jak siwok (ketan),punti khek tepung siwok. Masak ni dibungkus pakai bulung punti tekhus ti pajak. Jenis-jenis selimpok ni seperti selimpok bungking,selimpok pais,selimpok lunik,khik wat selimpok khanyat.

Selanjut ni wat kanik an khas Lampung sai biasa ti halu di acara nikahan,gelakni lepot sai tibungkus anjak bulung kelapa sai ti lilit ko tekhus dilom ni ti isi siwok. Tekhus ti pajak ko sappai mesak. Kanik an hinji jadi panganan wajib di acara nikahan ulun Lampung.

Oleh Rika Wati

Redaksi Teknokra

https://teknokra.com

Kami adalah Unit Kegiatan Mahasiswa yang bergerak dalam bidang peliputan, penelitian, dan penerbitan berita, baik berita kriminal, prestasi, ekonomi, ataupun berita-berita lain dalam bentuk straight news maupun feature, tulisan maupun animasi dan video. Nama lengkap kami adalah Unit Kegiatan Penerbitan Mahasiswa (UKPM) Teknokra Universitas Lampung. Berkedudukan di Universitas Lampung, sehingga artikel kami lebih mengenai Universitas Lampung, dan Lampung.

Related post